نادين الحياهـ
» المشرفات العام »
 تاريخ الميلاد : 27/07/1980
عدد المساهمات : 614
تقييم : 1476
تاريخ التسجيل : 22/11/2010
العمر : 44
 | موضوع: طاجن البامية باللحمة  السبت فبراير 26, 2011 2:03 pm | |
| طاجن البامية باللحمة
السلام عليكم النهاردة هعمل لكم طاجن البامية باللحمة هو ممكن يتعمل باللحمة عادى ولو بلحمة ضانى من غير عضم هيبقى احلى نبدا الاول نجيب اللحمة وبعدين نقطعها قطع صغيرة اد اللى بنعملها فى كباب الحلة وبعدين نجيب طاسة ونحط فيها شوية زيت ونحط اللحمة فيه ونشوحها وبعدين هنضيف شوية بصل مفروم وشوية ثوم مفروم ونسيبه شويه لغاية ما البصل والثوم ريحته تطلع وبعدين نحط الفلفل الاخضر المقطع قطع صغيرةوبعدين نحط عليه شوية ملح وفلفل اسود وبهار لحمه وبعدين نوضى النار شويه ونسيبه لغاية مااللحمة تستوى اوتبقى ثلاث ارباع سوى للى مش بيحب اللحمة مستوية قوى وفى مقلاية ثانية نحط شوية سمنة اوزيت ونحط البصل المقطع شرائح وبمجرد ما البصل يتشوح نضيف الثوم وبعد ما الثوم ريحتة تطلع نضيف البامية ونشوحها تشويحة خفيفة وبعدين فى طبق فرن اوطاجن نحط اللحمة اللىاحنا عملناهاونضيف البامية بعد التشويح وفى طبق تانى نعمل الصلصة (صلصة طماطم +كوب ماء+2 م ك عصير ليمون +شوية فلفل اسود) وبعدين نحط الصلصة وبعدين نغطيها بشرائح من الطماطم وقرن فلفل اخضر ونغطيها بورق فويل وندخلها الفرن لمدة ساعة لغاية ما تتسبك والبامية تستوى وبنقدم معها بابا غنوج و بالهنا والشفاء ويارب تعجبكم
| |
|
TOTA
» مشرفين »
عدد المساهمات : 445
تقييم : 621
تاريخ التسجيل : 17/11/2010
| | موضوع: رد: طاجن البامية باللحمة الجمعة مارس 11, 2011 2:03 pm | |
| 'طرح بقمة الروووعه ..... تسلم الايادي
وربي يعطيك الف عافيه
وما ننحرم .......... جديييدك | |
|
