نايم فى بيتنا من كام يوم .. متلفح بما لايقل عن 5 بطاطين .. تقريبا كنت مجمع بطاطين البيت كله .. واذا بى استيقظ من احلاها نومه على صوت صياح ونواح فى الشارع .. [ندعوك للتسجيل في المنتدى أو التعريف بنفسك لمعاينة هذه الصورة] انا بفزع : ايه .. مين .. ليه .. هو فى ايه بقى ؟!!!
ابويا صائحا من آخر الشقة : ايه يا ابن الـــــ........ ...... الدوشة اللى عندك دى ... خربت ايه تانى يا جلاب المصايب ؟!!
انا بغضب : ياعم مش انا .. مش انا ... الصوت جاى من الشارع !!
ابويا : طب ماتقوم تشوف فى ايه يا سلحفة انت !!
انا : وبعدين بقىىىىى .. خلاص .. قايم .. قايم .. عيلة تجيب المرض !! [ندعوك للتسجيل في المنتدى أو التعريف بنفسك لمعاينة هذه الصورة] قومت من على السرير وفتحت الباب ونزلت وكالعادة نسيت أغير هدومى .. نزلت بالبيجامة وفى رجلى الشبشب المصرى الشهير .. "ابو أصبع" !!
اول مانزلت الشارع لقيت ناس بتجرى يمين وشمال وعربيات الامن المركزى بقت اكتر من الحناطير اللى تعتبر من علامات شارعنا العظيم !! [ندعوك للتسجيل في المنتدى أو التعريف بنفسك لمعاينة هذه الصورة] انا لأحدهم : هو فى ايه يا محترم ؟!!
الرجل وهو يجرى بعيدا : مظاهرة يا استاذ ... مظاهرة !!
انا : مظاهرة الله بخرب بيتكم هتودونا فى دهيا ؟؟!!!
ابويا مناديا من البلكونة : ايه ياض الخلق دى كلها .. هما بيوزعوا لحمة ولا فى محل كشرى فتح جديد فى الشارع ولا ايه ؟!!
ابويا : طب وجابوا الجزمة ولا لأ !! [ندعوك للتسجيل في المنتدى أو التعريف بنفسك لمعاينة هذه الصورة] وبعد قليل بدأ المتظاهرون فى التجمع ممسكين بأيدى بعضهم البعض .. الرجال فى الامام .. والنساء فى الخلف .. وبدأت لافتات تعلوا فى الافق .. امثال ...
الصحفى العراقى قال كلمته ... بوش مايسواش غير جزمته !!
يا امة المليار .. انتفضوا لفك الحصار !!
يا أوباما يا أوباما .. مستنيينك تيجى بالسلامة !!
وفجأة عربيات الامن المركزى نزل منها العساكر والظباط ... واصطفوا كمجاميع وبدأوا فى ترديد شعار الامن المركزى !!
عساكر الامن وهم يقفزون فى المكان : مصر .. مصر .. [ندعوك للتسجيل في المنتدى أو التعريف بنفسك لمعاينة هذه الصورة] امى منادية من البلكونة : اطلع يا منيل بدل ماتاخدلك شومة ولا مطوة فى وشك ولا طوبة فى دماغك !!
ابويا لأمى : سيبيه يمكن يا رب ياخدوه بالغلط ولا حاجة .. يتعلم الادب كام يوم فى القسم !!
امى : قسم ايه بس .. دى مظاهرة يعنى هايبقى فيها اعتقال يا راجل !!
ابويا : اطلع ياض بدل ما ياخدوك على "جوانتانامو " !!
وطلعت ووقفت مع ابويا وامى نتابع الموقف من البلكونة ...
وبدأ المتظاهرون فى التهليل ..
الرجال : لا للقمع .. لا للقمع !!
النساء مرددين خلف الرجال : لا للقمع .. لا للقمع !!
ابويا هاتفا من البلكونة وهو يسقف بكلتا يديه : وادحرج واجرى ..
انا وامى : يا رمان !!
ابويا : وتعالى على حجرى !!
انا وامى : يا رمان !! [ندعوك للتسجيل في المنتدى أو التعريف بنفسك لمعاينة هذه الصورة] وفجأة بدأت الاشتباكات بين المتظاهرين والامن وساد الهرج والمرج ارجاء الشارع وعلت أصوت الصياح والنواح ... وتقريبا كانت معركة من جانب واحد .. رجال الامن المركزى ... وكأنهم واخدين اوامر بأن الضرب يكون على الكيف !!
ووسط كل هذا الهرج والمرج اطاح احدهم بقصرية الزرع التى وضعها السيد الوالد اسفل المنزل بحجة تزيين البيت ( وكأن البيت فرغ جماله من كل شىء الا هذه القصرية.. والبيت اصلا قايل للسقوط !! ) [ندعوك للتسجيل في المنتدى أو التعريف بنفسك لمعاينة هذه الصورة]
ابويا مناديا من البلكونة : حاسب يا أطبش انت وهو القصرية هاتقع !!
وطراااااااااخ ( وقعت القصرية وتفتت الى 7 آلاف جزء !! )
ابويا هاتفا بفزع ممزوج بالحسرة : يخربيت اللى جاب ابوكم !! .. راحت القصرية يا حكومة مهلبية !! ..
آآآآآآآآآآآآآآآ آآآآآآآآآآ آآه [ندعوك للتسجيل في المنتدى أو التعريف بنفسك لمعاينة هذه الصورة] ومن حظ ابويا العالى .. العالى اوى ... الشتيمة سابت الشارع كله برجاله ونساءه وعياله وعساكره ومتظاهرينه ولزقت فى ودان أحد اللواءات والذى كان يأمر وينهى فى عساكره من موقعه .. حيث كان يقف تحت عمارتنا المصونة عدل !!
اللواء مشاورا علينا : هاتولى العالم اللى فوق دول .. هما دول اللى بيقودوا المظاهرة من فوق ومهيجين الناس هــاتــوهـــملى هنا حالا !!
نظرنا انا وابويا وامى لبعضنا البعض بصدمة من هول ما سمعنا !!
ابويا : ايه العمل دلوقتى ؟!!
انا بخوف : الظابط اللى تحت افتكرنا تبع المظاهرة !!
ابويا : اصيلة يا أم سيد !! [ندعوك للتسجيل في المنتدى أو التعريف بنفسك لمعاينة هذه الصورة] وفتحت امى باب الشقة وسبقتنا وطلعت عند الجيران اللى فوق تستخبى عندهم .. ودخلت انا ووالدى محاولين لملمة اى اموال موجود فى المنزل قبل ما ييجوا يكسروه على دماغ اللى فيه .. ولكن ...
طراااااااااااخ _ صوت باب الشقة وهو ينكسر _ .. ( احلى حاجة فى رجال الشرطة دول .. انهم بيبقوا زى امك وابوك كدة .. فجأة ممكن تلاقيهم نايمين جنبك على السرير من غير ماتكلف نفسك وتقوم تفتحلهم .. مش عايزين يتعبوك يعنى .. والله ناس عسل ) .. ماعلينا ..
فجأة وبدون سابق انذار لقينا مدافع آلية ورشاشات مرفوعة فى وشنا !! [ندعوك للتسجيل في المنتدى أو التعريف بنفسك لمعاينة هذه الصورة] ابويا ممسكا النبلة ببلاهة : اى حد هايقرب مننا هافرغ النبلة دى فى دماغة !! [ندعوك للتسجيل في المنتدى أو التعريف بنفسك لمعاينة هذه الصورة] وبالصدفة البحتة كان تليفزيون منزلنا الموقر مفتوح على احدى قنوات الاغانى حيث أغنية شعبان عبد الرحيم والتى كانت تتحدث عن ضرب بوش بالحذاء .. حيث تقول كلمات الاغنية :
انا : ياباشا .. احنا وربنا ما لينا دعوة باللبش اللى شغال برة ده !!
الضابط : اخرس .. يا مخرب البلاد .. يا عدو الوطن .. انت عضو فى انهى تشكيل ياض انت !!
ابويا ببلاهة : تشكيل نادى المحلة ان شاء الله .. بيلعب "هاف ديفيندر" !!
الضابط : انت بتهزر .. طب وشرف امى مانتوا بايتين فيها الليلة دى .. هاتولى الجوز دول على عربيات الامن تحت !!
انا مهللا وانا بتسحب من قفايا : لا للقمع ... لا للقمع !!
ابويا مرددا : لا (للقمح ) ... لا ( للقمح ) !!
[ندعوك للتسجيل في المنتدى أو التعريف بنفسك لمعاينة هذه الصورة] بعد هات وخد فى سيارات الامن المركزى الخمس نجوم .. وصلنا بسلامة الله الى القسم .. وسط حفاوة استقبال بالغة من صولات ومخبرين القسم .. امثال .. اتحرك يا مجرم ( طرااااخ ) .. خش يا متهم ( طرااااخ ) .. ماتمشى عدل يالوح ( زيوووو ) !!
المهم ... دخلنا الى الزنزانة مع باقى المتظاهرين لحين حضور وكيل النيابة للتحقيق مع الجميع !! [ندعوك للتسجيل في المنتدى أو التعريف بنفسك لمعاينة هذه الصورة] انا لأحدهم : هو عدم الامؤاخذه .. انتوا كنتوا عاملين مظاهرة ليه ؟!!
الرجل : بوش انضرب بالجزمة يا محترم انت مش عايش فى الدنيا ولا ايه ؟!!
انا : ايوا مانا عرفت انه انضرب .. انما بصراحة مش فاهم بارضو الغرض من المظاهرة دى ايه ؟!!!
الرجل : ازاى يا استاذ .. ده يوم عالمى .. العالم العربى كله لازم يخرج ويحتفل بيه .. رئيس اكبر دولة طاغية فى العالم انضرب بالجزمة على ايد واحد عربى !!
انا : بارضو مش فاهم .. هو حرر لكوا العراق ولا فلسطين يعنى ؟!!!
الراجل بواقعية شديدة : والله بقى هى دى اقصى طموحات العرب فى العصر الحالى !!
الرجل : عادى ... زى كل مرة .. هانترحل بكرة الصبح على النيابة ... وهايتحقق معانا .. وغالبا كل واحد هايخرج بكفالة .. الا بقى اللى هايثبتوا عليه تهمة قيادة مظاهرة وتهييج الجماهير .. هما دول اللي عايزينهم !!
انا ناظرا لأبويا بقلق : ده اللى هو احنا !!
ابويا بفرح : جايلك يا "ابوغريب" !!
انا بضيق شديد : انا عايز امشى من هنااااااااااااا اااااااااا !!
احدهم : امسك اعصابك يابطل .. ده انت كنت من اشجع المتظاهرين النهاردة .. انا كنت شايفك انت والراجل اللى معاك ده وانتوا بتهتفوا من فوق .. وهتافكم ده كان بيدينا قوة ... وكلنا شاهدين على كدة !!
انا بحسرة : هتاف مين اللى كان بيديكوا قوة ياعم انت .. انت عايز تودينا فى داهية ؟!!
انا : لله الامر من قبل ومن بعد ... لله الامر من قبل ومن بعد !!
ابويا ناظرا الى السماء من خلال شباك الزنزانة وبصوت عالى : الله يحرقك يابوش الــــكــ.لب !!
الزنزانة كلها بحماس خلف ابويا : لا للقمع .. لا للقمع !!
انا بثورة : هى العالم دى بتتلكك لنا ولا ايه ؟!!
ابويا ببلاهة : مش عارف ليه حاسس انه مقلب من بتوع الكاميرا الخفية !! [ندعوك للتسجيل في المنتدى أو التعريف بنفسك لمعاينة هذه الصورة] وراح ابويا قافش فى احد اضخم الرجال فى الزنزانة محاولا نزع شاربه عنه وهو يقول : اكيد انت ابراهيم نصر مش كدة ؟!! .. اقلع بقى أم الشنب والباروكة دول .. وحياة ابوك انا مفاصلى سابت !!
الرجل : ابراهيم نصر مين يا استاذ .. امسك اعصابك واقف على حيلك كدة .. احنا كلنا هنا فدا الوطن !!
ابويا بعد فشل محاولته : فدا الوطن ؟؟ .. يا حوستىىىىىىىى ... الموضوع طلع بجد !!
انا : مفيش فايدة !!
تانى يوم الصبح تم ترحيلنا انا ووالدى على النيابة .. وبدأ التحقيق ..
وكيل النيابة : ها يا عم سيد انت وابوك ... مش هاتقولولنا انتوا تبع انهى تشكيل ؟!!
ابويا : ياباشا قولنالكوا قبل كدة .. "هاف ديفيندر" فى المحلة .. والتغيير حسب رؤية المدرب !!
ابويا هامسا فى أذن وكيل النيابة : طبعا حضرتك مش هاتصدقنا لو قولنالك ان قصرية الزرع هى السبب !!
وكيل النيابة صائحا : انتوا بتستخفوا بالنيابة ياض انت وهو .. طب حبس احتياطى لمدة 24 ساعة تانى لغاية ماتعترفوا او يبان لكوا صاحب !! .. يا شكرى .. عايز البهوات يستريحوا على الآخر .. وطلباتهم تتنفذ .. فاهمنى ؟؟ .. دلعهم يعنى !!
انا ببلاهة : والله ده كرم كبير ياباشا .. تعالى يا شكرى ادعكلى ضهرى شوية احسن جتتى اتنحلت من نومة "البورش" بتاعكوا ده !!
ابويا : وانا عايز ساندويتش "تشيكن ماجنم" من عند "مؤمن" يا شكرى بعد اذنك !! [ندعوك للتسجيل في المنتدى أو التعريف بنفسك لمعاينة هذه الصورة]
بعد ان قضينا انا ووالدى ما يقرب من الثلاثة ايام فى الزنزانة أخيرا جاء الفرج ... فقد قامت والدتى بتوكيل أحد المحامين للدفاع عنا والذى اثبت بدوره للنيابة ان اوراقنا وملفاتنا سليمة ولا يوجد بها اى سوابق او احكام .. وعليه قررت النيابة الافراج عنا لعدم كفاية الادلة !!
وصلت انا وابويا منزلنا الموقر بحمد الله سالمين اللهم شوية خدوش بسيطة فى انحاء الجسم ناتجة من دلع شكرى ( ماشاء الله شكرى ده احد الظواهر المصرية التى نادرا ماتتكرر .. بيضرب جوز بنى آدمين بأيد واحدة .. ومابتخيبش ابدا .. ربنا يحميك يا بنى !! ) [ندعوك للتسجيل في المنتدى أو التعريف بنفسك لمعاينة هذه الصورة] امى : لولولولولولولول ى .. حمدلله على السلامة يا بو السيد ... نورت بيتك من تانى ياخويا ... ياريتنى كنت انا مكانك !!
ابويا بغضب : يا وليّة اتقى الله .. ده انتى اول ماشوفتى البوليس طالع ركبتى طيارة فى رجلك وخلعتى !!
انا : خلاص يابا بقى .. حصل خير .. المهم يامًا فى أكل النهاردة ولا ايه .. احنا ما أكلناش بقالنا 3 ايام ؟!!
ابويا : آه صحيح فكرتنى .. هو الواد شكرى انا مش كنت بعته يجيبلى ساندويتش من "مؤمن" ؟؟ ماجابوش ليه ؟؟ .. طب اما اشوفك يا شكرى !!
انا : !!!!!!!!!!!!!!! !!!!!!!!!!!!
امى : اقعد يابو السيد استريح بقى على ما احضر الغدا ... ثوانى ويبقى جاهز !! [ندعوك للتسجيل في المنتدى أو التعريف بنفسك لمعاينة هذه الصورة] وفى انتظار وجبة الغداء الشهية المتمثلة فى الفول والطعمية .. فتحت التليفزيون عشان اتسلى انا وابويا شوية وننسى الهم .. واذا بنا نفاجأ بأغنية شعبان عبد الرحيم مرة اخرى امامنا !! .. حيث يقول من جديد :
ابويا صائحا : كدة كتييييييييييييي ير ... لا للقمع .. لا للقمع !!
وراح قايم ابويا شايل التلفزيون وحادفه من الشباك من غير ما يبص !!
صوت قادم من الشارع : آآآآآآآآآآآآآآآ آه ... هاتوا الاسعاف .. الباشا هايروح مننا .. الباشا هايروح مننا !! [ندعوك للتسجيل في المنتدى أو التعريف بنفسك لمعاينة هذه الصورة] احد الصحف الصادرة فى اليوم التالى : القبض على رجلان يشتبه فى انتمائهما الى أحد الجماعات الارهابية بتهمة قتل لواء شرطة بدافع الانتقام منه لسابق اعتقاله لهما !! [ندعوك للتسجيل في المنتدى أو التعريف بنفسك لمعاينة هذه الصورة]
وسمعنى سلام الجزمة مش بتاعتى !!
*عاشقة *نادين* » مشرفين »
تاريخ الميلاد : 29/06/1988 عدد المساهمات : 112 تقييم : 120 تاريخ التسجيل : 30/11/2010 العمر : 36
موضوع: رد: يوم في حياةعاطل الشحات الأحد ديسمبر 05, 2010 10:21 am
تسلم ايدك التوبيك حلوو كثيرر وناطرين على جديد ومميز من مواضيعك القيمة
الإثنين نوفمبر 08, 2010 11:36 am
