يوميات محسن وحسنات

الحلقة الأولى

محسن وحسنات في رمضان

اضغط هنا لمشاهدة الصورة بالحجك الطبيعي.

حسنات: صباح الخير يا محسن كل رمضان وأنت طيب يارب يجعل دخلته علينا بالخير

محسن: خيييير ربنا يستر
من صباحك عمرك ما صبحتي بدعوة إلا وكان وراها طلب
حسنات:يا راجل قول وأنت طيبة ويجعله شهر مبارك عليك وعلى الأولاد
محسن:: هو الخير بس لكي وللأولاد وانا أيه فاسوخة اللهم أني صائم قصري عايزة أيه؟
حسنات: سلامتك هم شوية طلبات
لزوم الفطار يعني : كام كيلو لحمة على كام فرخة على شوية خضار وعلبة سمنة وقد3 لتر زيت ذرة ورز وسكر ومكرونة وكنافة وقطايف والياميش علشان العصاير والخشاف
محسن: أنت أتجننتي كل ده علشان الفطار ليه داخلين مسابقة في الأكل والا حنأكل سبوعة
دا حيالله أنا وانت والواد والبت
حسنات:يوه ياراجل مش لازم نبعت للجيران ونزل للجامع وأما بنعمة ربك فحدث مش لازم تبقى أسم على مسمى كل رمضان وأنت طيب
ليه : طب ما أنت أسمكحسنات وكلك سيئات
هو أنا لاقي الفلوس في الأرض دا أنا بشأقى وبتعب ومطحون بيها
ومش لاقي وقت أهرش دا حتى الولاد مش لاقي وقت أقعد معاهم
وسايبهملك لما خابوا
حسنات: نعم نعم ياسي محسن أنا سيئات والله ماليك في الطيب نصيب ومالهم الاولاد
الواد ومتخرج من الجامعة والبت فاضلها سنة وتتخرج وأنا ما قصرتش معاهم
اضغط هنا لمشاهدة الصورة بالحجك الطبيعي.

محسن: يا فرحتي اتخرج وقاعد جنبك لاراضي ينزل الشغل معايا ولا بيدور على شغل وبنتك ليل نهار قاعدة على النت من نادي لنادي للبيسبوك

يوه يضحكك ياسي محسن أسمه منتدى والفييييييييييي يسبوووووووووووك

محسن : يا فرحتك يا أختي روحي روحي صحيهم خليهم يصلوا ويعبدوا ربنا والا يعملوا حاجة تنفعهم بدل نوم أهل الكهف ده هم عشان في الأجازة ياخدوها بنج كدة
حسنات : عاطف يا عاطف قوم
كل سنة وأنت طيب
قوم ياواد ألحق أبوك قبل ما يمشي صبح عليه وخد اللي أنت ايزه منه مش هو يمشي من هنا وأنت تقعدلي زي اللي مدايني من هنا قوم خد منه اللي أنت عاوزه ياواد

عاطف: طيب يا ماما روحي أنت بس وأنا حأقوم كمان شوية

حسنات : كمان شوية أيه يا وله قوم فز أحسن يمشي وتقع في

أرابيزي مانتتش طايل مني حاجة قوم بقى

عاطف: يوووووووووووووو ووووووووه يا ماما دا الدنيا صيام والواحد نايم بعد الفجر

حسنات: قوم ياواد

عاطف : حاضر حاضر حأقوم أهو

اضغط هنا لمشاهدة الصورة بالحجك الطبيعي.

حسنات تصحي ابنتها

حسنات : عصمت يا عصمت قومي صبحي على أبوك وتعالي ساعديني في المطبخ
عصمت : الله ياماما سبيني شوية أنا كنت بأحلم حلم جميل ليه صحتيني بس
يالا يا بت بلا حلم بلا فيلم قومي يالا صبحي على أبوك وحصليني على المطبخ عشان نخلص بدري بدري ونقعد نتسلى على المسلسلات قبل الفطار ونشطب على الباقي بالليل وما يفوتناش حاجة

عصمت: ياماما مسلسلات أيه هورمضان بقى للمسلسلات
خلاص المسلسلات بقت موضة قديمة دلوقت في كافيهات ومولات
وكمان النت يعني الواحد يشوف مسلسل والا اتنين ويخرج يهيص مع صحابه بالليل ويرجع يكمل السهرة نت
اضغط هنا لمشاهدة الصورة بالحجك الطبيعي.

حسنات : ياأختي هو ده اللي أنتم فالحين فيه نوم وخروج وسهر على النت قطيعة
أوعي بقى لما أروح أخد الفلوس من أبوك علشان أبعت البواب يجيب الحاجة
عاطف: صباح الخير يا بابا كل سنة وأنت طيب
محسن : وأنت طيب ياسي عاطف مدام صحيت بسرعة يبقى عايز
فلوس عايز كام خلصني؟
عاطف : كلك نظر يا بابا
محسن: آه كلي نظر يبقى عايز مبلغ وقدره
عاطف: مش كتير تمن الجيتار الإليكتيرك وفلوس علشان الكافي بالليل أصلي نازل مع صحابي
محسن: جيتار أنت لسه حاطط في دماغك الغنى
مين الغبي اللي مفهمك أن صوتك حلو والله يابني لوكان صوتك حلو كنت عملت لك شريط وخلصت من زنك
اضغط هنا لمشاهدة الصورة بالحجك الطبيعي.

عاطف: أنت بس اللي بتقول كده علشان ما تدفعش صحابي كلهم بيقولوا صوتي حلو
محسن: ماهما لازم يقولوا كده مش بيرزعوا سندوتشات ومشروبات وعصاير وسجاير على حسابك
هو فيه مغني يشرب سجاير علشان يضيع صوته ياأهبل
ياأهبل
عاطف: أيوه أنا مطرب وصوتي حلو وكله عواطف وأحاسيس
محسن: ياله هو عشان ماأسمكعاطف حيكون صوتك مليان عواطف وأحاسيس أمشي من قدامي أحسن أشوطك
ياريتك طلعت لعيب كورة كان زمان الفلوس تجري في أيديك
أمشي من وشي
عاطف: طب الفلوس
محسن :هي 100 جنية ومافيش جواتير
عاطف : أسمهاجيتارات
يرن جرس الباب
محسن : يا حسنات شوفي مين على الباب
حسنات : الحقني يامحسن دول في القسم باعتين عسكري عايزين الواد عاطف قال أيه متهرب من الجيش؟

محسن: جيش إيه دا الواد وحيد؟

حسنات : يا مصيبتي دا بيقول إنه مزور في شهادة الجيش وإن له أخ حيتخرج السنة الجاية
اضغط هنا لمشاهدة الصورة بالحجك الطبيعي.

عاطف: كده يا بابا تعملها فيا ودخلتني الجيش ز
ليه كدة يابابا يعني مش كان لازم تجيب ولد ما كنت خلفت بنت.
محسن: إيه ياوليه اللي بتقوليه ده جواز إيه هو في حد عاقل يعملها مرةتانية بعد الهم اللي شافه

حسنات : ايوه ياخويا دوك دوك سترك إنكشف خلاص ووقعت في شر أعمالك يا سهن يا خنيس أنت
آآآآآآآآآآآآآآآ آه يامراري والنبي ما أنا عتقاك لازم أخد بتاري وأخلي اللي ما يشتري يتفرج عليك والنبي ما أنا قعدالك في البيت
اضغط هنا لمشاهدة الصورة بالحجك الطبيعي.



محسن: إفصلي شوية خلينا نفهم إيه اللي بيحصل؟

عصمت: كده يابابا تهون عليك العشرة وأزاي كل السنين دي وأحنا مش عارفين دا العسكري بيقول أنه حيتخرج السنة الجاية يعني من عمري كل السنين دي وأنت مخبي علينا إزاي جالك قلب
هو أنا خالصة من واحد علشان يعكنن عليه واحد تاني
بقولك أهو مش علشان عرفنا المستخبي تجيبه عندنا وينغص على عيشتي انا بقولك من دلوقت
اضغط هنا لمشاهدة الصورة بالحجك الطبيعي.

حسنات : يابت حرام عليك هو ده اللي همك ماحدش بيفكر في أنا الغلابنة
أنا المخدوعة أنا اللي نايمة على وداني وواخدة زومبة
ومش دريانه
ودي أتجوزتها إزاي وأمتى وأنا كنت فين
صحيح يا مأمنة للرجال يا مأمنة للمية في الغربال

عاطف: كل واحد بيغني على بلوته وأنا اللي رايح في شربة مية وداخل السجن وبأيد أبويا

محسن: انكتموا شوية يا خلل منك ليها ،ليها أنا ما أتجوزتش حد ومش عايز حد ينطق حتفطروا الواحد ،اللهم أني صائم

حسنات : شوفوا يا ختي الراجل ولا كأنه عامل مصيبة وبراءة الأطفال في عينيه لسة بتداري
اضغط هنا لمشاهدة الصورة بالحجك الطبيعي.

محسن: الكلام مش نافع معاكم يالا ياواد ياعاطف نروح القسم نفهم الموضوع وهات شهادة الميلاد بتاعتك وبتاعة أختك وبطايقكم

عاطف: ياقلبك عايز ترميني في النار برجليك أأقصد بأيديك
أنا من جني عليه أبيه

محسن : لا يا خويا أنا من ضيع في الأوهام عمره
قوم فز خلينا نعرف إيه الحكاية أكيد فيه غلط
وأنت يا سيئات أنكني وما تفضحيناش على الفاضي أما أشوف أيه الموضوع
اضغط هنا لمشاهدة الصورة بالحجك الطبيعي.

حسنات : أنت حترجع تلاقي البيت فاضي مش قعدالك فيه
يا خاين يابصباص ياأبو عنين زايغة

محسن : وبعدين بقى والله لأقفل عليك بالقفل من بره

خرج محسن ومعاه عاطف والعسكري

محسن : اتفضل يا شاويش

حسنات : شوفتي الراجل حرق قلبي ودبحني وأخرتها حبسني جوة البيت وقفل بالقفل من برة


عصمت : بس بابا دا طلع مش جدع وغدار أنا كنت واخدة فيه مقلب وفكراه أحسن أب في الدنيا يطلع متجوز وعنده ولد ومين عارف ممكن يكون لي أخوات
تانين
اضغط هنا لمشاهدة الصورة بالحجك الطبيعي.

حسنات : بس يا بت هو أنا نقصاكي انجري قدامي لمي معايا الهدوم وأطلبي أخوالك على التليفون خليهم يجوا يوروه شغله
هو فاكر إني ما ورياش رجاله
إن ما كنت أجرجره في المحاكم وأخد منه الحق والمستحق وأخليه يمشي يتلفت وراه


عصمت: يا ترى شكلها عامل إزاي وعايشة والا ميته

حسنات : هي مين دي يا بت؟

عصمت : مرات أبويا

حسنات: قطع لسانك ماتقوليش مرات أبويا إلهي تجيلها حمى تشيلها خطافة الرجالة وبعدين يا أختي شاغلك شكلها ليه تطلع زي ماتطلع ربنا ياخدها
اضغط هنا لمشاهدة الصورة بالحجك الطبيعي.

عصمت : ياترىمين دي نعرفها والا ما نعرفهاش ولو منعرفهاش عرفها أزاي

حسنات: يا بت أرحميني مش قادرة . أسكتي بقى دماغي لافه ومش عارفة أفكر
روحي يا بت هاتي لي أسبرينة وأعملي لي كوباية شاي وعندي صداع


عصمت : يا قلبك ياماما لك نفس تشربي حاجة وجوزك متجوز عليك


حسنات : بت ..... أنت بتستهبلي علشان ما تجبيش حاجة
قومي أعملي لي كوباية شاي رجلي مش شايلاني عشان أقوم أعملها بنفسي

عصمت : بس يا ترى خيعملوا أيه في عاطف دي حتبقى مصيبة أكيد حيخش السجن الحربي
دول بيقولو متهرب من الجيش ومزور الشهادة
يالا أهي مصلحة أهو يخرج بعد ماتكتب عنه الجرايد ويشتهر ويطلع من السجن ياخد مبلغ وقدره في الحفلات
ويعمله كام البوم وينزل سينما والبلية تمشي معا
مكتوبالك ياواد ياعاطف

حسنات : هي أيه اللي مكتوباله يابت؟

عصمت : الشهرة يا ماما بعد ما يخرج من السجن

حسنات : فال الله ولا فالك حرام عليك يابت ماتفوليش على أخوك
كله من أبوك اللي ما عملش حساب يوم زي ده وضيع أبنه



عصمت: ماما .ماما رجعوا .رجعوا ياماما ، بابا وعاطف رجعوا
حسنات : بجد يابت أخوك رجع
أحمدك يارب يا ترى حصل أيه؟
محسن : خش يا عاطف مش واخدين منكم إلا تعب القلب
عصمت : هيه يا بابا عملتوا أيه
محسن : عملنا أيه كله منك ومن مووظف شئون الطلبة العِكس اللي في الجامعة بتاعتك.

عصمت: وأناذنبي أيه واجامعة مالها؟
عاطف: منك لله ياشيخة كنت حأروح في مصيبة بسببك وبسبب جامعتك مش سيادتك حتتخرجي السنة الجديدة دي

عصمت :ايوة وده ماله ومالك؟
اضغط هنا لمشاهدة الصورة بالحجك الطبيعي.

الموظف الأحول اللي في شئون الطلبة عندك وهم بيبعتوا أسماء الدفعة اللي حتتخرج علشان ماحدش يعرف يسافر بره البلد من غير إذن من التجنيد حط أسمك على إنك ذكر فطلع لي أخ بدل أخت
عصمت : يعني بابا طلع مش متجوز ؟
عاطف :لأ الحمد لله
عصمت: يا عيني يابابا كنا ظالمينك شوفتي يا ست ماما عملتي غاغة على الفاضي
حسنات : هه.ووووأنت يا أختي كنت عيزاها تبقى على مليان هو في زي أبوكي راجل طيب وفي حاله
محسن: أيوة ، أيوة غيري الموضوع علشان ما أكلمكيش فيه
مش كده؟ حسابك معايا بعدين
بقى ياست أنت تعملي في العمايل دي كلها وتفكري إني بعد العشرة دي كلها أفكر في واحدة تانية
هو أنا ناقص ولسه لغاية دلوقت مش عارفاني
أنت عارفة أحسن عقاب لك
الواحد يعملها ويتجوز عليك
اضغط هنا لمشاهدة الصورة بالحجك الطبيعي.


حسنات : طب أعملها كدة وشوف حيحصلك أيه أنت وهي

عاطف : حاج قب بالجرشنات قبل ماتخرج علشان ساعية كده وخارج
محسن : يابني حتروح فين
والدنيا صيام أنكن في البيت والا أنزل معايا شوف أكل عيشك
عاطف: بابا وبعدين
محسن : ولابعدين ولا قبلين أنا نازل

تمت الحلقة وإلي لقاء في
يوم أخر